euskalbirusa.org

Drogetenitturri zenbaki berria, Santixau doinuekin

Osteguna, 2010(e)ko Uztaila(r)en 29-(e)an 12:27etan ebirusa

Drogetenitturri aldizkariaren uztaileko alearekin lagako zaituztegu abuztuaren 30era arte. Irudian klik egin pdf gisa eskuratzeko. Oporretatik bueltan izango gara berriz elkarrekin. Bitartean, oso ondo izan.

Add new comment

Santixauetan murgilduta gaude, zatoz gurekin!

Ostirala, 2010(e)ko Uztaila(r)en 23-(e)an 13:07etan ebirusa

Ermuan jaigiroa nabaria da egunotan, eta larunbatetik asteartera areagotuko da, Santixauetako egun handiak baitira.

Euskal Birusa Elkartetik jaiak eta euskarak bat egin dezaten ahalegintxoa egingo dugu. Euskararen "birusa" kutsatu eta kutsatu arazi, hori da gure nahia baita jai hauetan ere. Aurten "Atara ZaratA!" oihuarekin gatoz. Gora jaia! Bai, baina euskara mingainean bada, hobe!

Txosna daukagu Erdikokalen: "TXIKURIXA", edari eta bokata goxoak eta giro apartarekin. Ongi etorriak izango zarete guztiok. A, eta kamisetak ditugu salgai, polit-politak. Eta pegatinak. Eta jairako gogo itzela.

Zatoz!

Add new comment

Azken eguneratzea ( Ostirala, 2010(e)ko Uztaila(r)en 23-(e)an 13:27etan )

Arramazka taldearen pop doinuak gaur gauean Ermuko Valdespina parkean

Osteguna, 2010(e)ko Uztaila(r)en 22-(e)an 12:15etan ebirusa

ARRAMAZKA talde gipuzkoarra izango dugu gaur Santixauen egun handien atarian, parkean, Euskal Birusa Elkarteak antolatuta. Hemen dute beraien myspace gunea, eta beraien lan berriena deskargatzeko aukera ere bada, era librean, hemengo esteka honetan. Pop doinuak aipatu ditugu, eta beharbada folka ere jorratzen dutela esan beharko genuke. Entzun hurrengo kantua eta zuk zeuk erabaki:

***AZKEN ORDUKO ZUZENKETA: Elizako arkupeetan izango da azkenik. Euria bota dezakeelako.

Comments (1)

Azken eguneratzea ( Osteguna, 2010(e)ko Uztaila(r)en 22-(e)an 15:32etan )

Sandra Rehder tango kantariak elizako arkupeetan emango du kontzertua gaur

Asteazkena, 2010(e)ko Uztaila(r)en 21-(e)an 11:10etan ebirusa

Argentinako Sandra Rehder kantariaren tango kontzertua, euria aurreikusten denez, elizako arkupeetan izango da azkenean. Gaur, asteazkena, 22:30ean, doan, Santixauetako egitarauaren barnean. Bideoa topatu dugu sarean, Sandra Rehder-en artearen erakusle:

Add new comment

Azken eguneratzea ( Asteazkena, 2010(e)ko Uztaila(r)en 21-(e)an 11:26etan )

"Lusofonías" taldeak fadoa ekarriko du gaur Ermura

Asteartea, 2010(e)ko Uztaila(r)en 20-(e)an 10:13etan ebirusa

Patricia Colaço kantari portugesak sortu zuen "Lusofonías" 2004an, Madrilen. Portugesez kantatutako musika tradizionala jorratzen dute, batez ere fadoa. Hemen entzun daiteke beraien musika, klik egin.