euskalbirusa.org

Gaur, zine-kluba: "La cinta blanca"

Osteguna, 2010(e)ko Maiatza(r)en 27-(e)an 10:25etan ebirusa

Michael Haneke zuzendariaren "Das weisse band" izango dugu gaur zine-klubean, 2009an Cannes-en sari nagusia jaso zuen filma.

Sesio bi izango dira, 19:00etan eta 21:30ean, Lobianon, doan. Hau da trailerra gazteleraz, baina gogoratu zine-klubean jatorrizko bertsioan emango dela, alemanieraz, gaztelerazko azpitituluekin.

Add new comment

Errotabarri eskubaloiko neskak Espainiako finalean

Asteazkena, 2010(e)ko Maiatza(r)en 26-(e)an 11:19etan ebirusa

Errotabarri eskubaloi taldeko neskak (kadeteak) gaur Galizian izango dira Espainiako txapelketaren fase finalean. Porriño herrian jokatuko dira finaleko partiduak eta Ermuko neskak beste hiru talderekin lehiatuko dira. Facebook-en taldea osatu da Errotabarri eskubaloiko nesken gorabeherak jarraitzeko, egin klik hemen.

Add new comment

Euskarazko aisialdi aukera gehiago Berbalagunekin

Asteartea, 2010(e)ko Maiatza(r)en 25-(e)an 00:00etan ebirusa

Ermuko Berbalagunetik jaso dugu gonbidapena datozen ekitaldietarako:

Hainbat kontu aste honetarako:

Ostegun honetan hasiko da TXALAPARTA ikastaroa. Oraindik plazak daude beraz garaiz zabiltza izena emateko.

Gogoratu, doan da, maiatzaren 27, ekainaren 3 eta 10ean, 19:00-21:00, Beti ondoko "Beti-txarto" musika taldeen lokalean.

Ostiralean TXIKITEOKIDE BEREZIA. Zergatik? Mallabian egingo dugulako. Bai, urtean behin horrela egiten dugu.

Horretarako, 19:30ean geratu gara Herga kanpoan. Pare bat kotxe beharko da. Poteoa ofizialki 21:45ean bukatuko da baina.....

Ekainean, MENDIBIL mendira mendi-irteera bat egingo dugu (asteburuan, goizez, 4 orduko ibilaldia). Data zehaztu barik.

Jakin behar dugu jendea prest egongo litzatekeen. Etorri nahi baduzu, beraz, idatzi Helbide elektroniko honek spam bot-en kontrako babesa du. Ikusteko Javascript-a aktibatu behar duzu helbidera.

Ekainean, DEBA-ZUMAIA kosta ibilbidea egingo dugu (asteburuan, goizez, 6 orduko ibilbidea). Data zehaztu barik.

Jakin behar dugu jendea prest egongo litzatekeen. Etorri nahi baduzu, beraz, idatzi Helbide elektroniko honek spam bot-en kontrako babesa du. Ikusteko Javascript-a aktibatu behar duzu helbidera.

Add new comment

Azken eguneratzea ( Asteartea, 2010(e)ko Maiatza(r)en 25-(e)an 10:48etan )

"Kirolaz blai" kiroldegiko udarako egitaraua aurkeztu da

Astelehena, 2010(e)ko Maiatza(r)en 24-(e)an 09:55etan ebirusa

Ermuko Udal Kirol Erakundeak "Mójate de deporte. Kirolaz blai" udarako kanpaina aurkeztu du. 6 eta 12 urte bitarteko gaztetxoentzat "multiabentura" jarduera anitzeko programa batetik eta 3 urtetik gorako edonorentzako igeriketa ikastaroak bestetik.

“Multiabentura 2010” ekainaren 28tik uztailaren 15era bitarteko astelehenetik ostegunera artean gauzatuko da. Ordutegiak hiru ordu barne hartzen ditu, goizeko 10:00etatik 13:00etara bitartean. UKEk atal honetan 81 toki eskaintzen ditu. Ostegunero txango bat egingo da eta aurreikusitakoak ondorengoak dira: Sopuertara, zuhaitzen arteko abentura parkera, Uribe Kostara trekkinga egitera eta Sopelara, hondartzan bodyboard egitera. Jarduera honetan izena emateagatik ordaindu beharreko prezioak ondorengoak dira: abonatuek: 80,40€ eta abonatu ez direnek: 116,80€.

“Igeriketako ikastaro trinkoak”: Ekainaren 24tik uztailaren 16ra, 3 urtetik aurrerako pertsona ororentzat eskaintzen dira. Maila guztiak emango dira: uretara egokitzea, hastapena, hobekuntza eta igeriketa eskola. Saio bakoitza hiru ordu laurdenetakoa izango da, iaz baino bost minutu luzeagoa. Jarduera honetan izena emateagatik ordaindu beharreko prezioak ondorengoak dira: abonatuek: 52,90€ (egokitzapena: 123,40€) eta abonatuak ez direnek: 95,95€, egokitzapena: 163,60€).

Izena emateko epea hilabetekoa da, gaurtik ekainaren 23ra artekoa.

Add new comment

Berdintasunaren aldeko txapak egiteko tailerrean izena emateko epea zabalik

Ostirala, 2010(e)ko Maiatza(r)en 21-(e)an 00:00etan ebirusa

Berdintasunaren aldeko txapen tailerra, maiatzaren 15ean egitekoa zena, datorren asteko larunbatean izango da, maiatzaren 29an, 10:00etatik 14:00etara.

16-25 urteko neska gazteei zuzendua dago eta izen emateak 5€ balio du. Ermuko Emakumeen Topalekuan, (Izelaieta, 12) edota 943 17 10 30 telefonoan apuntatu zaitezke.

Blog honetan (Las chaperas) ikusi daitezke antzerako tailer batean eginikoak.

Add new comment

Artikulu gehiago...