Ermuko Udalbatzak harrera ofiziala egingo die gaur herriko bi elkarteko kideei, oraintsu bakoitzak bere alorrean emaitza arrakastatsuak lortu izan dituztelako eta gure herriaren izena lau haizeetara zabaldu dutelako Ermua munduan ezagunago eginez. Elkarte horiek ‘Irulitxa musika fanfarrea’ eta Ermuko Errotabarri Eskubaloi Taldea dira. Ekitaldiaren buru herriko alkate Carlos Totorika egongo da eta elkarte bakoitzeko ordezkariei herriko banderaren ale bana emango die. Bandera bakoitzean elkartearen izena bordatua egongo da. Ekitaldia udaletxeko Osokoaren Bilkura aretoan egingo da, arratsaldeko zazpietatik aurrera.

Irulitxa fanfarreak ‘Urrezko Palmondoa’ izeneko sari orokorra irabazi du, Frantziako Condom herrian, Armagnac lurraldean (Okzitaniako mendebaldean) ospatu den Kaleko musika Banden Nazioarteko Jaialdian . Ermuarrak bandarik onenena eta osatuena izateagatik saritu dituzte. Talde ermuarrak parte hartu duen bere lehen urtean ‘epaimahaiak baloratzen zituen hiru ataletatik bitan puntuetara lehenengo postuan sailkatuz gero. Ermuarrek hiru ataletatik bitan lortu dituzte punturik gehienak; musika tradizionalean eta animazioan, hain zuzen ere. Jaialdi horretan garaipena lortzeak eta Ermua herriaren izena Frantzian nahiz Europan barrena ezagutzera eman izanak, aintzatespena merezi duela erabaki da.

Bestalde, Ermuko Errotabai Eskubaloi taldeak eta, zehazkiago, kadete taldeko neskak Espainiako txapelketako laugarren postuan amaitu dute. Kirol proba hori maiatzeko azken astean jokatu izan dute O Porriño herriko kiroldegian (Pontevedran). Taldeko kirolari, entrenatzaile, zuzendaritzako kide eta zaletuek ere, gure herriko irudia eta izena zabaltzen jardun dutenez, egin duten lorpena aintzat hartuko eta harrera egingo zaie.

(www.ermua.es webgunetik)

(www.ermua.es-etik hartua)

Udal Toki Garapen alorrak Lobiano Gastronomia elkartearen laguntzaz lehiaketa deitu du hiribilduaren gozo tipikoa izango dena aukeratzeko xedez. Dakigunez gure gizartean oso ohikoa da jaki edo gozoren bat erosi eta ekartzea bidaia egin eta edonora joaten garenean, etxekoekin, lagunekin edo lankideekin konpartitzeko edo horiei oparitzeko. Ermuan, orain artean behintzat ez dugu horrelakorik bete dezakeen produktu esanguratsurik, hau da, herriaren oroigarri edo adierazgarri izan daitekeena, bertan egindakoa eta edozein lekutara eramateko modukoa.

Lehiaketara pertsona oro aurkeztu ahal izango da, hala pertsona partikularrak nahiz ostalaritza edo gozogintza sektoreetako enpresak.

"Irakurri, Gozatu eta Oparitu" egitasmoaren barnean Liburutegiak egiten duen zozketaren lehenengo irabazlea Arantza Totorika izan da. Atzo jaso zuen saria: hiru liburu eta 30 euroko erosketa-txekea. Diru honekin euskerazko literatura liburuak erosi ahal ditu Maribel edo Xiripot Liburudendan irailaren 30a baino lehen.

Zozketa hau apirila eta maiatzean  irakurri duten liburuaren fitxa bete duten bazkide guztien artean egin da.

Hurrengo zozketa bat ekaineko partehartzaile guztien artean egingo da eta hirugarrena uztaileko partehartzaileen artekoa izango da.

 Gaur, zine-klubak Inmigrazio Jardunaldiekin bat egingo du eta "Retorno a Hansala" filma ekarriko du Lobianora. Chus Gutiérrezek 2008an zuzendutako lan honek kritika oso onak jaso izan ditu. Trailerra ekarri dizuegu hona, beti bezala.

Gogoratu bi sesio izango direla, 19:00etan eta 21:30ean, Lobianoko aretoan, doan. 

Inmigrazioari buruzko jardunaldiek mahai-ingurua ekarriko dute gaur Ermura. Gaia "Emigrazioaren bilakaera azken hamarkadan" izango da eta hizlariak honakoak:

Xabier Aierdi, soziologoa.

Ane Enzunza, Ermuko inmigrazio teknikaria.

Gina del Castillo, "Adiskidetuak" etorkinen elkarteko kidea.

Hitzordua 19:00etan da, gaur, Lobiano kulturgunean.

Jardunaldiok bihar zinea eskeiniko dute, Chus Gutiérrezen "Retorno a Hansala", eta larunbatean Kultur arteko Jaialdia.