Ermuko Udal Euskara Sailak 14 urtetik gorakoentzako III piropo lehiaketa antolatuko du San Balendin egunetik martxoaren 13ra bitartean. Ekimenaren helburua eguneroko jardunean euskara modu sortzaile, ez-sexista, adierazkor eta ludiko batean erabili eta zabaltzea da

Lehiaketan parte hartzeko piropo bat idatzi eta Helbide elektroniko honek spam bot-en kontrako babesa du. Ikusteko Javascript-a aktibatu behar duzu helbidera edota Udal liburutegian zein euskaltegietan jarriko diren kutxetan sartzea besterik ez da egin behar; orrialdetxo batean piropoa idatzi, egilearen izen-abizenak, adina eta telefonoa gehitu.

La Perla talasoterapian sasoian jartzeko talaso zirkuitua, masajea Aromaterapiarekin eta dastatzeko menua irabazteko lehian sartuko dira parte-hartzaileak. 18 urte beherako partaideek, berriz, 100 eurotako erosketa-txekea irabaz dezakete, ikastetxean bertan parte hartuz edota goiko bidea erabiliz.

Aurreko edizioetan moduan aurten ere elkarte desberdinetako kideek osatuko dute epai-mahaia, gizonezkoak zein emakumezkoak. Horien iritziz, piropo ona izateko, originala, laburra eta konnotazio negatibo gabea izan behar da, hau da, adierazkoa, sortzailea eta ez-sexista izango dira piropo saridunak.

Iazko irabazlea hauxe izan zen: Zure begiekin, munduko farola guztiak jai!

Laburbilduz:

• Oinarriak:
• Lehiaketa zertan datza: Parte hartu nahi duen gizon zein emakumeak euskaraz idatzitako piropoa bidaltzea besterik ez du egin behar. Bi kategoria izango dira: 14-17 urte bitarteko partaideentzat eta 18 urtetik gorakoentzakoa.
• Nola aurkeztu:
• Folioerdi batean, alde batean piropo bera eta, bestaldean, autorearen datuak: izena, adina eta harremanetarako telefonoa.
• Non aurkeztu: liburutegian, Udal euskaltegian, Kaltxango Aek euskaltegian, DBH eta BHI ikastetxeetan edota Helbide elektroniko honek spam bot-en kontrako babesa du. Ikusteko Javascript-a aktibatu behar duzu helbidera mezu bat bidaliz.
• Sariak:
  • 14-17 urte bitartekoentzako: 100 eurotako txekea.
  • 18 urtetik gorakoentzako: Bi pertsonentzako La Perlako Sasoian Jartzeko Talaso Zirkuitua, Masajea Aromaterapiarekin eta Dastatzeko Menua "La Perla Jatetxea"n.
• Aurkezteko epea: Otsailak 14tik (San Balentin eguna), martxoaren 13ra arte.

Anima zaitez eta parte hartu!

Pasa den astearteko hitzaldia antolatu zuen Ermua Libertario taldeak hurrengo idatzia zabaldu du, Ermuan eratu nahi den Kontsumo Ekologikorako taldearen inguruan:

Aurreko  otsailaren  9an  40  pertsona  inguru bildu  ginen  Lobiano  kultur  gunean  Biolurreko lagunek  eskainitako  nekazaritza  ekologikoaren berri  ematen  zuen  hitzaldi  bat  entzuteko.

Dakizuenez,  hitzaldi  honen  helburua,  inguruko beste  hainbat  herrien  antzera,  kontsumo ekologikorako  talde  baten  eraketa  aztertzea zen.

Nahiz  eta  ekintza  hau  Ateneo  Libertarioak antolatuta  egon,  hasieratik  adierazi  genuen gure  helburua  ez  zela  talde  honen  kudeatzaile izatea  baizik  eta  kontsumoaren  inguruan  talde berri bat sortzea non guk banako moduan parte hartuko genuen.

Biolurreko  kideek  eskainitako  hitzaldian nekazaritza  ekologikoa  sustatzen  zuen  bideo bat  ikusteko  aukera  izan  genuen,  eta  ondoren, ekoizle  gisa  izandako  euren  esperientzia pertsonala  eta  inguruan  funtzionatzen  duten kontsumo ekologikorako talde eredu desberdinak azaldu zizkiguten.

Biolurreko  kideek  kontsumo  ekologikorako talde  bat  sortzekotan  bere  laguntza  eta aholkularitza eskaini ziguten. Bertaratu zirenen iritziak  eta  zalantzak  entzun  ondoren  15  egun barru,  hau  da,  otsailaren  23an  asteartean arratsaldeko  20.00etan  Lobianon  baita  ere,  gai honen  inguruan  interesa  dutenak  berriro batzea  erabaki  zen.  Kontsumo  taldeek  behar duten  sustapenean  erreparatuta  gai  honen inguruan interesa izan dezaketen pertsonengan  eragitea  erabaki  zen  gutun  hau zabalduz. Hitzaldia  amaitutakoan  jatorri  ekologikoko hainbat  jaki  eta  edari  dastatzeko  aukera  izan genuen.  Jarraipena  izatea  espero  dugun topaketa  interesgarri  honi  amaiera  emateko modurik onena.

Hartza eguna ospatu da gaur Ermuan. Kalejiran 200 bat pertsonak hartu du parte, hartzaren koplak kantatuz.

Argazki gehiago ikusteko, egin klik hemen.

Igandean, Lobiano kulturgunean, animazio filme berezia emango dute. Berezia, batetik, euskaraz egina delako, eta bestetik, adin guztietako pertsonei zuzendua delako, ez bakarrik haurrei.

Asisko Urmenetaren irudiak eta Edorta Barruetabeña eta Unai Iturriagaren gidoia du, eta Juanjo Elordik zuzendua da.

Iaz estreinatu zen zinema aretoetan. Gurera igandean helduko da. Haurrek eta helduek gozatzeko moduko pelikula dugu "Munduaren bira, doan!", irudi aldetik berritzailea eta mezu eta elkarrizketa mamitsuduna.

Igandean, hilak 14,arratsaldeko 5etan. Doan.

 

 

Zine erotikoaren zikloak gaur izango du jarraipena "No mires para abajo" produkzio franko-argentinarrarekin. Bi hitzordu, 19:00etan eta 21:30ean, Lobiano kulturgunean, musutruk.

"Mudo-Drogot Cinematógrafo" antolatzaileen blogean pelikularen berri irakurri ahal da.

Hona hemen filmearen eszena bat: