euskalbirusa.org

San Pelaioko pergola, wi-fi gune

Astelehena, 2010(e)ko Otsaila(r)en 08-(e)an 13:07etan ebirusa

wi-fi

Udalaren webgunean jakin dugunez, Udalak doako wi-fi gune berria sortu du San Pelaio parkeko pergolan. Pergola (kristalezko egitura hori) goizeko 9:30etik iluntzeko 9:30era egoten da zabalik.

Sarbide puntu berri hau herrian dugun udal wifi sarea handitzera dator, aurretik Lobianon, Udal Liburutegian, Abiapuntu bulegoan edo udaletxeko Osoko Bilkuran genituenen osagarri.

Iruzkina idatzi (0 Iruzkin)

Azken eguneratzea ( Astelehena, 2010(e)ko Otsaila(r)en 08-(e)an 13:18etan )

Kontsumo ekologikoko kooperatiba sortzeko ekimena aurkeztuko da bihar Ermuan

Astelehena, 2010(e)ko Otsaila(r)en 08-(e)an 09:18etan ebirusa

produktu ekologikoak

Ermuko Ateneo Libertario elkarteak Kontsumo Ekologikoko Kooperatiben inguruko hitzaldi bat antolatu du biharko, otsailak 9. Biolureko Pello Rubiok eta Leire Ibarretxek emango digute produktu eta kontsumo ekologikoaren berri Lobiano Kulturguneko ikus-entzunezko aretoan.

Penintsulan kontsumo ekologikoko ehunka elkarte eta kooperatiba daude. Biharko hitzaldiaren azken helburua Ermuan antzeko elkarte bat osatzea izango litzateke behar adina pertsona gai honetan interesa izanez gero.

Mugimendu hau agente kimikorik ez duten produktuak eskuratzean datza, hau da, ingurugiroa babesten dutenak eta nekazaritza iraunkorretik eratortzen direnak. Horrez gain, nekazaritza ogibide duina izatea bilatzen du mugimendu honek eta produkzioaren kostu eta etekinak ekoizletik kontsumitzailera, prezioak modu artifizialean eraldatzen dituzten bitartekari barik, zuzenean igarotzea.

ELIKAGAI EKOLOGIKOAK KONTSUMITZEKO 10 ARRAZOI ON

1. Osasungarriak dira

2. Ez dute gehigarri sintetikorik

3. Ez dute pestizidarik

4. Ez dute genetikoki aldatutako organismorik

5. Ez dituzte antibiotikorik

6. Ingurunearekiko jasangarriak dira

7. Kalitate maila gorena dute

8. Animalien ongizatearekiko errespetua dute

9. Naturarekiko ere errespetua dute

10. Zaporetsuagoak dira

Hitzordua, bihar, asteartea, hilak 9, arratsaldeko 8etan, Lobiano kulturguneko aretoan.

Iruzkina idatzi (0 Iruzkin)

Ermuko atletek webgunea dute: atletismoermua.com

Astelehena, 2010(e)ko Otsaila(r)en 01-(e)an 10:10etan ebirusa

atletismoermua.com-etik hartutako argazkia Urte berriarekin batera, Ermuko atleten gorabeherak jasotzen dituen webgune berri baten berri izan dugu: atletismoermua.com.

Bertan Ermuko Atletismo Taldeko Antonio Cid eta Lolo Garciak entrenatutako kirolarien emaitzak ikusteko aukera dago.

Urtarrilaren 17an Bizkaiko Kros txapelketa ospatu zen Barakaldon eta Ander Garciandia eta Arantza Moreno ermuarrek lehen postua eskuratu zuten. Honi esker, Espainiako txapelketan parte hartu ahal izango dute Euskadiko selekzioaren kide moduan, martxoaren 27 eta 28an.

Ermuko atleten berri jakiteko, jo atletismoermua.com webgunera.

Iruzkina idatzi (0 Iruzkin)

Euskarazko aisialdia astebururako

Ostirala, 2010(e)ko Urtarrila(r)en 29-(e)an 10:41etan ebirusa

Sartzen ari garen asteburu honetan, bada aisialdia euskaraz gozatzeko hainbat aukera.

Gaur, ostirala, antzerkia izango dugu Lobiano kulturgunean, "Ez dok hiru-Bikoteatroa" taldearen eskutik. Bikotearen eskutik, hobeto esanda. Patxo Telleria eta Mikel Martínezek EUSKARAZETAMOL ikuskizuna taularatuko dute. Klik egin lerro honetan espektakuluaren webgunea bistaratzeko. Hizkuntzarekin jolasean, gozatu eta barre egitera gonbidatzen gaituzte. Hitzordua 22:15ean da, eta sarrerak 5€ besterik ez du balio.

Bada ere, antzerkiaren aurretik, beste zita bat euskaldunontzat: TXIKITEOKIDE. Berbalagunak Herga tabernan geratuta daude poteoa eta mintzapraktika uztartzeko. Deialdia irekia da, 20:00etan, Hergan.

Eta kantuan aritzea gustoko baduzu, ez ahaztu bihar, larunbata, ERMUAN KANTUAN kantu kalejira herrikoia abiatuko dela Ermuko plazatik, eguerdiko 12:30ean.

Haurrentzat ere badago zer gozatu euskaraz. Izan ere, bihar, larunbata, "IPUINEZ IPUIN" antzerkia ekarriko du Eidabe taldeak Lobiano kulturgunera. 17:00etan izango da funtzioa, 3€ren truke.

Iruzkina idatzi (0 Iruzkin)